Azııa chempıonaty: 10 sáýirde el quramasynan bes boksshy fınalda synǵa túsedi
ASTANA. KAZINFORM - Mońǵolııa astanasy Ulanbatyr qalasynda ótip jatqan World Boxing aıasyndaǵy 2026 jylǵy Azııa chempıonatynda búgin, 10 sáýirde fınalda el quramasynan kimder sharshy alańǵa shyǵatyny belgili boldy.
Bul kúni elimizdiń erler quramasynan bes boksshy altyn medaldy sarapqa salady. Olardyń qatarynda Orazbek Asylqulov, Tórehan Sabyrhan, Sabyrjan Aqqalyqov, Nurbek Oralbaı, Aıbek Oralbaı bar.
Kúndizgi sessııa, 10:00
3-jup. 60 keli. Orazbek Asylqulov - Sachın Sachın (Úndistan)
5-jup. 70 keli. Tórehan Sabyrhan - Zeıad Ishaısh (Iordanııa)
6-jup. 75 keli. Sabyrjan Aqqalyqov - Javohır Abdýrahımov (Ózbekstan)
8-jup. 85 keli. Nurbek Oralbaı - Jasýrbek ıÝldoshev (Ózbekstan)
10-jup. 90 keliden joǵary. Aıbek Oralbaı - Danabek Baıkenje (Qytaı).
Al elimizdiń áıelder quramasy qurlyqtyq dodada 2 altyn, 1 kúmis, 2 qola júldege qol jetkizdi.
Bedeldi básekede Nadejda Rıabets (80 keli), Dına Islambekova (80 keliden joǵary) Azııa chempıony atansa, Baqyt Seıdish (70 keli) kúmis júldeger boldy.
Sondaı-aq Áıgerim Sáttibaeva (48 keli), Valentına Halzova (70 keli) úzdik úshtikti túıindedi.
Elimizdiń áıelder quramasy medaldar sany jóninen ekinshi orynǵa turaqtady. Kósh basynda turǵan Úndistannyń 4 altyn, 2 kúmis, 4 qola medali bar.
