Azııa birinshiliginde el namysyn qorǵaıtyn tennısshiler belgili boldy
ASTANA. KAZINFORM – Taıland astanasy Bangkok qalasynda ótetin ústel tennısinen jastar arasyndaǵy Azııa chempıonatyna qatysatyn Qazaqstan quramasynyń quramy jarııalandy.
Qurlyq birinshiliginde U19 jáne U15 jas sanattarynda júldeler sarapqa salynady. Qazaqstan namysyn eki jas ereksheligi boıynsha 16 sportshy qorǵaıdy.
U19 sanatynda Alan Qurmanǵalıev, Qadyráli Qabdylýahıtov, Nurıslam Qasym, Arnur Oralhanov, Albına Jaqsylyqova, Darıa Fý, Alısa Tsvıgýn jáne Darıa Gamova óner kórsetedi.
Al U15 quramasyna Nurdáýlet Azamatuly, Mansur Súıindik, Igıtalı Sultanmuratov, Marlen Jumaǵul, Marııa Lýkıanova, Jánııa Bekmuhambetova, Oıdın Kamıljanova jáne Amıra Álimgereı endi.
«Qazirgi ýaqytta Qazaqstan quramasy Azııa chempıonatyna daıyndyqtyń sońǵy kezeńin ótkizýde. Sportshylar Astana qalasynda uıymdastyrylǵan oqý-jattyǵý jıynyna qatysyp jatyr. Jattyqtyrýshylar shtaby jarys aldynda sportshylardyń fızıkalyq jáne taktıkalyq daıyndyǵyna erekshe kóńil bólýde», – dep habarlady UOK baspasóz qyzmeti.
Azııa chempıonaty 27 maýsym men 4 shilde aralyǵynda Bangkok qalasynda ótedi.
Aıta keteıik, Sonıa Jıenbaeva juptyq synda Qytaıdaǵy týrnırdiń shırek fınalyna shyqty.
