Azııa birinshiliginde el namysyn qorǵaıtyn boksshylarymyz anyqtaldy

ASTANA. QazAqparat - Bokstan Qazaqstan ulttyq quramasynyń bas bapkeri Myrzaǵalı Aıtjanov Ózbekstannyń astanasy Tashkent qalasynda ótetin Azııa birinshiligine aparatyn boksshylardy tanystyrdy, dep habarlaıdy QazAqparat tilshisi.

Bas bapker Azııa birinshiliginde 49 kelide Erjan Jomartqa, 52 kelide Azamat Isaqulovqa, 56 kelide Qaırat Eralıevke, 60 kelide Ádilet Qurmetovke, 64 kelide Bekdáýlet Ibragımovqa, 69 kelide Abylaıhan Júsipovke, 75 kelide Ábilhan Amanqulǵa, 81 kelide Erik Áljanovqa, 91 kelide Vasılıı Levıtke, al asa aýyr salmaqta Qamshybek Qońkabaevqa senim artty.

Qazir Qazaqstan boksshylary Úndistan boksshylarymen birge Astanada birlesken oqý-jattyǵý jıyndaryn ótkizýde. Bul boksshylardyń «saryqurlyq» dodasyna sońǵy daıyndyǵy bolmaq.

Eske salaıyq, Azııa birinshiligi 30 sáýir men 7 mamyr aralyǵynda ótedi. Onda Germanııada ótetin álem chempıonatyna joldama sarapqa salynady.