Azııa birinshiligi: Qazaqstannyń dzıýdo quramasy alǵashqy kúni 3 kúmis, 4 qola aldy
NUR-SULTAN. QazAqparat – Taıbeıde dzıýdodan jastar arasynda Azııa chempıonaty ótýde, dep habarlaıdy QazAqparat tilshisi.
Qazaqstannyń dzıýdo federatsııasy málim etkenindeı, qurlyq birinshiligine 21 elden 170 sportshy qatysýda.
Jarystyń alǵashqy kúni Qazaqstan quramasy 3 kúmis, 4 qola medalǵa ıe boldy.
Atap aıtqanda, Ǵalııa Tynbaeva (48 kg), Aqjol Qaıyphan (52 kg) jáne Merýert Sársenova (57 kg) fınalda ǵana qarsylastaryna jol berip, ekinshi orynǵa ıe boldy.
Al Aqmaral Naýatbek (48 kg), Damır Bolatbekov (60 kg), Ermek Amangeldi (66 kg) jáne Aıbar Muqyshev (73 kg) úzdik úshtikti túıindedi.
Azııa chempıonaty odan ári jalǵasýda.
Eske sala keteıik, budan buryn qazaqstandyq kadetter Azııa chempıonatyn 4 altyn medalmen qorytyndylaǵan bolatyn.
