«Azııa balalary» VI Halyqaralyq oıyndarynda otandastarymyz jalpyesepte úshinshi oryndy ıelendi
ASTANA. QazAqparat - Reseıdiń ıAkýtııa aımaǵynda uıymdastyrylǵan «Azııa balalary» VI Halyqaralyq oıyndar óz máresine jetti. Bul dodaǵa Saryqurlyqtyń 46 elinen jınalǵan 2841 baldyrǵan sportshylar 22 sport túrinen ózara myqtyny anyqtady.
Atalǵan synda Qazaqstannyń jas sportshylary basketbol, boks, voleıbol, dzıýdo, kúres, jeńil atletıka, mas-restlıng, ústel tennısi, paýerlıftıng, júzý, nysana kózdeý, sambo, erkin kúres, sadaq atý, thekvondo, fýtbol, hapsagaı, kórkem gımnastıka, shahmat, doıby jáne t.b. sport túrlerinen óner kórsetip, 25 altyn, 28 kúmis, 36 qola medal jeńip alyp, komandalyq esepte úzdik úshtikten kórindi. 49 altyn, 29 kúmis, 36 qola medal enshilegen Sibir federaldyq okrýginiń jas sportshylary jeńip aldy bas júldege ıelik etti. Ekinshi oryndy 27 altyn, 34 kúmis, 36 qola medal utyp alǵan Saha Respýblıkasynyń komandasy qanjyǵasyna baılady. Endi kelesi, ıaǵnı VII «Azııa balalary» oıyndary 2020 jyly Mońǵolııada ótedi. Osy sharanyń saltanatty jabylý rásiminde oıynnyń resmı týyn stadıonda Mońǵolııanyń batyry, bokstan álem chempıony, Olımpıada oıyndarynyń kúmis júldegeri Pýrevdorjıın Serdamba qabyldap aldy.
