«Azııa balalary» V Halyqaralyq sporttyq oıyndary kúniniń jeńimpazdary - taılandtyqtar, qazaqtar jáne máskeýlikter
ASTANA. 12 shilde. QazAqparat - Keshe elordada kedergileri bar 100 metrge júgirý jáne uzyndyqqa sekirýden jeńil atletıkalyq jarystar (boıjetkender men bozbalalar) bastaldy.
Aldyn ala júgirýlerden keıin bir saǵat ótken soń aqtyq jarystar ótkizildi, dep habarlaıdy «Azııa balalary» V Halyqaralyq sporttyq oıyndarynyń baspasóz qyzmetinen.
«Tamasha oıyndar. Men Azııa men Máskeýdiń úzdik sportshylary shyqqan jarystardyń jeńimpazy atanǵanyma óte qýanyshtymyn», - dedi jýrnalısterge aqtyq jarystyń jeńimpazy Ekaterına Tropına.
Qaraǵandy qalasynan kelgen Vıtalıı Zems qarsylastaryna aldyn ala jarysta da, aqtyq jarysta da jeńiske jetýge eshqandaı úmit bermedi.
3000 metrge júgirý boıynsha aqtyq jarysta máskeýlik Anna Kýznetsova alǵashynda úshinshi, sosyn ekinshi bolyp júgirip, márede bárinen ozdy.
Estafetalyq júgirýdiń ekeýin de (4h100, boıjetkender men bozbalalar) Taıland quramasy jeńdi. Ol jáne Qazaqstannyń quramasy tabystaryn erekshe merekelep, sonyń barysynda jýrnalıster úshin fotosessııa ótkizdi. Al uzyndyqqa sekirýden máskeýlik Anastasııa Gadjıeva (5.83) men Aleksandr Noskevıchke (6.62) teń keletin eshkim bolmady.
