«Azııa balalary» oıyndary: Qazaqstan qorjynyna taǵy eki «altyn» tústi
ASTANA. QazAqparat - Reseıdiń Ońtústik Sahalın qalasynda ótip jatqan «Azııa balalary» І Halyqaralyq qysqy sport oıyndarynda Qazaqstan qorjynyna taǵy eki altyn medal tústi, dep habarlaıdy QazAqparat tilshisi.
Ulttyq olımpıada komıtetinen habarlaǵandaı, bıatlonnan el quramasy estafetalyq synda aldyna jan salmady.
Atap aıtqanda, Ýlıana Ardalınova, Vlada Vasılchenko, Danıl Chervenko jáne Vladımır Konıvets altynnan alqa taqty. Sondaı-aq jekeleı aralas estafetada Vadım Kýrales pen Arına Sheshýkova kúmis medalǵa ıe boldy.
Taǵy bir altyn medaldi tuǵyrdan sekirýshiler ıelendi. Mıkste Veronıka Shıshkına men Danıl Vasılev chempıon atandy. Bul - V.Shıshkınanyń ekinshi altyn medali.
Eske sala keteıik, budan buryn qazaqstandyq shorttrekshilerdiń «Azııa balalarynda» altyn jáne kúmis júldeni jeńip alǵanyn jazǵan bolatynbyz.
Sonymen qatar buǵan deıin jas bıatlonshy Vadım Kýrales bir altyn, bir qola, al Arına Sheshýkova kúmis medaldi óńirine taqqan edi.
17 aqpanda márege jetetin «Azııa balalary» oıyndarynda jasy 16-dan aspaǵan sportshylar óner kórsetýde.
