Azııa badmınton federatsııasy Qazaqstan quramasynyń eki ókilin marapattady
ASTANA. KAZINFORM – Balıde (Indonezııa) Badminton Asia uıymynyń esep berý konferentsııasy ótip, ótken maýsym qorytyndysy boıynsha jyl saıynǵy marapattar tabystaldy.
Ulttyq olımpıadalyq komıtettiń málimetinshe, marapattalǵandardyń qatarynda Qazaqstan quramasynyń ókilderi de bar.
Ulttyq quramanyń bas bapkeri Asqar Ormanov sportshylardy daıarlaý júıesin damytýǵa uzaq jyldar boıy qosqan úlesi jáne halyqaralyq deńgeıdegi joǵary nátıjeleri úshin arnaıy syılyqqa ıe boldy.
Al quramanyń kóshbasshysy Dmıtrıı Panarın Asia Olympic Project baǵdarlamasy aıasynda «Jyldyń úzdik oıynshysy» atandy. Federatsııa onyń iri jarystardaǵy tabysty ónerin, sonyń ishinde Bangladesh International týrnırindegi jeńisin jáne Iran Future Series dodasyndaǵy nátıjeli oıynyn joǵary baǵalady.
Aıta keteıik, saltanatty sharaǵa Badminton World Federation (BWF) prezıdenti Khunying Patama Leeswadtrakul men Badminton Asia uıymynyń basshysy Kim Jung Soo qatysty.
Budan buryn Qazaqstan Ortalyq Azııada badmıntondy damytý boıynsha basym elge aınalatynyn jazǵanbyz.
