«Azııa Avtonyń» óndiristik qýatyn iske asyrýǵa daıyn ınvestorlar bar – mınıstr

ASTANA. KAZINFORM — QR Ónerkásip jáne qurylys mınıstri Ersaıyn Naǵaspaev «Azııa Avtonyń» óndiristik qýatyn tıimdi paıdalanýǵa qatysty túsinik berdi.

- Byltyr oǵan qatysty sot boldy. Qazir kompanııanyń nysandaryn paıdalanýǵa qatysty máseleni qarastyramyz. Ol jerde tıisti baza men jumysshylar bar, - E. Naǵaspaev Úkimet otyrysynan keıingi baspasóz máslıhatynda.

Onyń aıtýynsha, sol jerdegi jobany ary qaraı qarjylandyrýǵa daıyn áleýetti ınvestorlar baıqalyp otyr.

- Qazaqstannan ınvestorlar bar. Bul jóninde aldaǵy ýaqytta jarııalaımyz, - dedi mınıstr.

Aıta keteıik, byltyr «Azııa Avto» kompanııasynyń burynǵy basshysy syrttaı 9 jylǵa bas bostandyǵynan aıyryldy.

Jaqynda Májiliste «Azııa Avto» kompanııasynyń óndiristik qýatyn aýyl sharýashylyǵy tehnıkasyn shyǵarýǵa baǵyttaý týraly usynys kóterilgen edi.