«AZIıA AVTO» kompanııasy kólik baǵalaryn 2016 jyly ózgertýdi josparlap otyr
ASTANA. QazAqparat - «AZIıA AVTO» kompanııasy kólik baǵalaryn 2016 jyly ózgertýdi josparlaýda. Bul týraly «AZIıA AVTO» AQ prezıdenti Erik Saǵymbaev málim etti.
"Árıne, eshqandaı ǵajaıyptar joq. Keıbir avtobólshekter valıýtalyq rejımde tur. Sondyqtan valıýta baǵamynyń ózgerýi - kólik qunyna da áser etedi. Sondyqtan baǵanyń ózgerýi kelesi jyly oryn alady", - dedi ol Ortalyq kommýnıkatsııalar qyzmetinde ótken baspasóz máslıxatynda.
E. Saǵymbaevtyń aıtýynsha, kompanııa kiristi kóbeıtý maqsatynda túrli aktsııalar men jeńildikter jasaýda. Sonymen qatar 20 tamyzǵa deıin shyǵarylǵan kólikterdiń baǵasyn burynǵy baǵammen satýda.
"Keıbir kólikterge biz 50% jeńildikter jasadyq. Tutynýshylar buǵan óte jaqsy qyzyǵýshylyq tanytty", - dedi kompanııa basshysy.
