«Azııa Avto» kompanııasynyń burynǵy basshysy syrttaı 9 jylǵa bas bostandyǵynan aıyryldy

ÓSKEMEN. KAZINFORM – Shyǵys Qazaqstan oblysynda «Azııa Avto» kompanııasynyń burynǵy basshylaryna syrttaı sot úkimi shyǵaryldy. 

Kompanııanyń burynǵy basshysy Anatolıı Balýshkın 9 jylǵa, taǵy bir aıyptalýshy Erik Saǵymbaev 8 jyl 6 aıǵa sottaldy.

Sot otyrysy 14 sáýirde Óskemende ótti. Ekeýi de Qazaqstannan tys jerde júr jáne Reseı Federatsııasynyń azamattyǵyn alǵan. Sondyqtan úkim syrttaı shyǵaryldy.

Balýshkın men Saǵymbaev asa iri kólemde alaıaqtyq jasaǵany úshin kináli dep tanyldy. Sondaı-aq olarǵa Qazaqstan aýmaǵynda basshylyq qyzmet atqarýǵa tyıym salyndy. Tergeý derekterine súıensek, olardyń zańsyz áreketinen memleketke 230 mlrd teńge kóleminde shyǵyn keltirilgen. 

Balýshkınniń múlkin tárkileý týraly qaýly shyǵaryldy. Qorǵaýshy tarap isti Reseıdiń quziretine berýdi surady, biraq sot odan bas tartty.

Aıta keteıik, buǵan deıin «Azııa Avto» kompanııasy Óskemende avtomobıl zaýytyn salý boıynsha óz mindettemelerin oryndaǵany habarlanǵan. 2021 jyly sot kompanııany memleketke 174 mlrd teńgeni qaıtarýǵa mindettedi. 

Eske salsaq, osyǵan deıin ShQO-da «BIPEK AVTO» kompanııasynan tárkilengen shıpajaı aýktsıonda satylǵany habarlanǵan.