Azııa ashyq chempıonatyn uıymdastyrǵymyz keledi – tennıs federatsııasynyń vıtse-prezıdenti

Jýyrda otandyq tennıs federatsııasynyń vıtse-prezıdenti ıÝrıı Polskııdiń Azııa tennıs federatsııasynyń (ATF) prezıdenti bolyp saılanǵany málim. Atalǵan uıym aldynda qandaı mindetter tur, qandaı iri sharalar uıymdastyrylmaq? Mine, osy oraıda ıÝ.Polskıı Kazinform tilshisiniń saýaldaryna jaýap berdi.

– ıÝrıı Fedorovıch, sizdiń Azııa tennıs federatsııasynyń prezıdenti bolyp saılanýyńyz osy olımpıadalyq sport túriniń Qazaqstanda oıdaǵydaı damyp otyrǵanyn kórsetedi. Osy oraıda laýazymyńyz Qazaqstan men Azııada qandaı múmkindikterge jol ashady dep oılaısyz?
– Eń bastysy – Azııa elderi arasynda ózara is-qımyldy jaqsartý, oıynshylar úshin tartymdy aımaq retinde Qazaqstandy belsendi aralastyrý. Bizge Azııanyń úzdik oıynshylary kelse, olar bizdiń tennısshilermen synǵa túser edi. Árkim de óziniń qazanyndaı qaınaı bermeı, shynaıy básekelestik bolǵan jaǵdaıda qana sheberligin shyńdaı alady. Osy oraıda meniń prezıdenttigim úlken múmkindikterge jol ashady. Azııa úshin ózinde is-sharalar ótkizýge daıyn, túrli týrnırlerge oıynshylaryn jibere alatyn bastamashyl elder qajet dep esepteımin. Qazaqstan kez kelgen deńgeıdegi is-sharany árdaıym joǵary deńgeıde ótkizdi. Bul – Azııa úshin oıynshylar halyqaralyq deńgeıde tájirıbe alatyndaı múmkindik. Túptep kelgende, munyń paıdasy eki jaqqa da zor – Azııa aımaǵyndaǵy damý Qazaqstanǵa da ıgi áser etedi.

– Buryn Azııa ashyq chempıonaty ótip turatyn edi. Ol nege tyıylyp qaldy?

– Meniń de aıtqym kelip otyrǵan máselemniń biri osy edi. Basty josparymyzdyń biri – demeýshi taýyp, buryn bolǵan barlyq jas erekshelikterine qaraı Azııa ashyq chempıonatyn qaıta uıymdastyrý. Ol medıaqamtý jaǵynan tartymdy ǵana emes, sonymen qatar Australian Open sekildi «Úlken dýlyǵa» týrnırlerine arnaıy shaqyrtý (WC) bere alsaq, tipti jaqsy bolar edi. Sondyqtan sońǵy alty jylda ótpegen jarysty qaıta jandandyrýymyz kerek.
«Úlken dýlyǵa» týrnırlerin uıymdastyrý komıtetterimen jaqsy qarym-qatynastamyn. Biz buryn bolǵan «Ýımbldonǵa jol» jáne «Randevý Rolan Garros» týrnırlerin ótkize alamyz. Bul bizdiń jastarymyzǵa iri týrnırlerge qatysyp, alǵashqy upaılarymen qosa, eń bastysy, tájirıbe jınaqtaýlaryna múmkindik beredi.

Tennısten Azııa ashyq chempıonaty eki kezeńnen turatyn jyl saıynǵy týrnır bolmaq. Birinshi irikteý saıysy, onda Azııanyń barlyq elderi eki bozbala men eki qyzdan qosa alady. Osylaısha, barlyq qurlyq barynsha tolyq qamtylady. Ekinshi, fınaldyq kezeńge Azııanyń reıtıng boıynsha úzdikteri men irikteýden ótkender qatysady. Sóıtip biz Azııanyń úzdik oıynshylaryna birge synǵa túsýine múmkindik beremiz. Júlde qoryn qatysýshy elder esebinen tolyqtyramyz. Ádette mundaı is-sharalardy jýrnalıster jazyp, habarlap, álemge taratady, teledıdarǵa túsiredi, bul Azııa federatsııasynyń damýyna qarjy salýǵa daıyn demeýshiler úshin tartymdy bolmaq.
Ózim jetekshilik etetin Azııa tennıs federatsııasy dırektorlar keńesiniń aldaǵy jınalysy qańtarda Melbýrnda Australian Open kezinde ótedi. Onda biz atalmysh týrnırdiń qandaı aýqymda bolatynyn talqylap, sosyn bir-eki aıda bekitýge tyrysamyz. 2024 jyly kúzge qaraı ótkizýge nıettimiz. Birinshilik aýyspaly bolyp, 5-6 el basty uıymdastyrýshy atanady dep oılaımyz. Elderdiń jyl saıyn jarnasyn tólep, jarysty kezekpen joǵary deńgeıde ótkizýi úshin olardyń qataryn kóbeıte túspekshimiz.

– Qazaqstan atynan synǵa túsip júrgen Elena Rybakına men Aleksandr Býblıktiń tabystaryn búkil álem biledi. Ózimizden shyqqan sondaı juldyzdar nege joq?

– Bıyl Beıbit Juqaev úlken serpilis jasady, ol álemdik reıtıngte joǵary kóterilip, Qazaqstannyń ekinshi raketkasy atandy. Árıne, biz oǵan úlken úmit artamyz. Aqtaý tennıs mektebiniń túlegi dopty jaqsy beredi, kortta jyldam qımyldap, oń jáne sol qaptalda turaqty soqqy jasaı alady. Qazirdiń ózinde TOP-100-ge kiretin birneshe oıynshyny utty, bul – jaqsy kórsetkish. Jańa jylda Juqaevtyń Devıs kýboginde quramamyzǵa kómektesip, sheberligin jetildire túsetinine senimdimin.

Jas jetkinshekter jóninde aıtsaq, Ámir Omarhanov qatty ósip keledi. Zańǵar Nurlanulymen birge jasóspirimder arasynda Devıs kýboginde óte jaqsy nátıje kórsetti. Omarhanov barlyq matchtaryn jeńispen aıaqtap, Ispanııa men Italııanyń úzdik oıynshylaryn utty. Bul tabystar úmit uıalatyp, aldyńǵylardyń ornyn basatyn izbasarlar bar ekendigin kórsetedi. Biz óz kezegimizde álemde úzdik ataný jolynda óz múmkindigin tolyq paıdalanýy úshin olarǵa kómektesetin bolamyz. Eń bastysy, qarqynyn joǵaltpaı, jaraqat almasa, bolǵany.

Qyzdar arasynda Jibek Qulambaeva turaqty óner kórsetip keledi. Ol, árıne, juptyq oıynshy. Degenmen jekeleı synda da múmkindigi mol. Qazir biz oǵan tehnıkalyq sheberligin arttyrýǵa járdem berýge tyrysýdamyz, qosymsha jarys tájirıbesi de kerek. Kúshti qarsylastaryn jeńip úlgergen Jibekten úmit kútemiz.

Bıyl el tarıhynda alǵash ret jasóspirimder arasynda Bıllı Djın Kıng kýboginiń fınaldyq kezeńine shyqqan Polına Sleptsova, Іńkár Dúısebaı jáne Anastasııa Krymkovalar da bar. Týrnır barysynda jeńiske de jete bilgen qyzdarymyz qorytyndysynda álemniń 10 úzdik eliniń qataryna endi. Olardyń bári – bizdiń «ónimimiz», Qazaqstan tennıs mektebiniń túlekteri. Endi osy qarqyndy saqtap, joǵary deńgeıden túspeý qajet.

– Buqaralyq aqparat quraldarynda reseılik Aleksandr Shevchenkonyń Qazaqstan azamattyǵyn alatyny jóninde aıtylyp qalyp júr. Bul jóninde ne aıtar edińiz?

– Iá, Aleksandr Shevchenkonyń Qazaqstan úshin oınaǵysy keletinine kóp boldy. Ol bizge sondaı ótinish berdi. Aleksandr kópten beri Slovakııada ózdiginen jattyǵýda. Ol qazaqstandyq oıynshylardy jaqsy biledi, bizde tennıstiń júıeli túrde jolǵa qoıylǵanyn, komandanyń ár múshesine kózqaras erekshe ekendigin túsinedi. Sondyqtan osy qatarǵa qosylǵysy keledi. Barlyq qujattar daıyn deýge bolady. Pasport alýǵa qujattaryn tapsyrdy. Taıaý ýaqytta bul másele qaralyp, ol ATR jarystarynda Qazaqstan atynan óner kórsete alady. Biraq ulttyq qurama sapynda Aleksandr Shevchenko azamattyq alǵannan soń eki jyldan keıin ǵana oınaı alady – ITF-daǵy jalpy tártip osyndaı.

– Sońǵy saýal, alda jańa maýsym kele jatyr. Osyǵan deıin ATR dodalary Astanada ótip kelgeni belgili. Endi 2024 jylǵy ATR kúntizbesine Almaty Open enipti. Munyń sebebi nede?

– Almaty – mundaı iri jarysty ótkizý úshin ábden laıyq qala. Almatydan qanshama tennısshi shyqty, dástúrge de baı. mundaı iri jarysty ótkizý úshin áýelden laıyqty edi. Jankúıerleri de jeterlik. Sondyqtan qalada tennıstiń damýyna jańa lep berý úshin ATR 250 týrnırin Astanadan Almatyǵa aýystyrdyq. Oǵan qosa Almaty týrıstik qala bolyp esepteledi, onda keletinder sheteldikter kóp. Sondaı-aq Almatyda jaqsy sporttyq nysan – Almaty Arena bar, biz ony týrnır qajettiligine tolyq beıimdegimiz keledi. Áleýeti de joǵary, atalmysh keshende 7 myń, bolashaqta 10-12 myń jankúıer úshin matchtar ótkizýge bolady. Kórermen kóp bolsa, bul oıynshylarǵa da qanat bitiredi, olar óziniń úzdik ónerin kórsete bastaıdy.

Qoryta aıtqanda, aldaǵy jyly tennısshilerimizdiń tabys tórinen kórinýi úshin barlyq jaǵdaıdy jasaýǵa tyrysamyz.

– Áńgimeńizge rahmet. Jańa qyzmetińizge tabys tileımiz.

Eske sala keteıik, budan buryn ıÝrıı Polskııdiń Azııa tennıs federatsııasynyń prezıdenti bolyp saılanǵanyn jazǵan edik.