Azııa adamzat órkenıetiniń damýyna zor úles qosty - QR Prezıdenti

ASTANA. QazAqparat – Azııa adamzat órkenıetiniń damýyna zor úles qosty. Bul týraly Azııadaǵy ózara is-qımyl jáne senim sharalary jónindegi keńestiń VI sammıtinde sóz sóılegen Memleket basshysy Qasym-Jomart Toqaev aıtty, dep habarlaıdy QazAqparat tilshisi.

«Meniń oıymsha, bizdiń aldymyzda turǵan erekshe mańyzdy mindet – buryn-sońdy bolmaǵan qaýip-qaterler jaǵdaıynda halyqaralyq qatynastarda turaqtylyqqa qol jetkizý. Kópjaqty mehanızmderge jańa serpin berý jáne ashyq dıalogke oralý óte mańyzdy», - dedi Qasym-Jomart Toqaev.

Memleket basshysy Azııa adamzat órkenıetiniń damýyna úlken úles qosqanyn basa aıtty.

«Eń aldymen, biz Azııa qurlyǵynyń halyqaralyq qatynastardyń jahandyq júıesindegi mańyzyn nyǵaıtý maqsatynda álemniń jańa kún tártibin qalyptastyrýǵa kúsh salýymyz kerek. Ózderińiz biletindeı, Azııa adamzat órkenıetiniń damýyna zor úles qosty», - dedi Qazaqstan Prezıdenti.