«Áziret sultan» mýzeıinde ortaǵasyrlyq qudyq qaıta paıdalanýǵa berildi
TÚRKІSTAN. QazAqparat - Túrkistandaǵy «Áziret sultan» mýzeıinde Táýelsizdik kúni qarsańynda tarıhı jańalyq boldy. Qoja Ahmet ıAsaýı kesenesindegi ortaǵasyrlyq qudyq qaıta paıdalanýǵa berildi, dep habarlaıdy QazAqparat tilshisi.
Aıta keteıik, Qoja Ahmet ıAsaýı kesenesindegi qudyq HІÚ ǵasyrda qazylǵan. Kesene qurylysy aıaqtalǵan soń «jamaǵathana» bólmesindegi alyp Taıqazanǵa sý toltyrylyp, zııaratshylarǵa arnaıy tarqatylyp otyrǵany belgili. Qudyq HІH ǵasyrdyń bastapqy shıregine deıin jumys jasaǵan. Al, 1992-1999 jyldar aralyǵynda kesenege júrgizilgen restavratsııalyq jumystarǵa baılanysty qudyq sýy múlde jabylǵan bolatyn.
«2018 jyldyń qazan aıynda Memleket Basshysy N.Á.Nazarbaevtyń Túrkistan qalasyna resmı sapary barysynda Qoja Ahmet ıAsaýı kesenesine arnaıy at basyn buryp, ortaǵasyrlyq qudyqty halyq ıgiligine jaratyp, iske qosý týraly tapsyrma bergeni belgili.Osyǵan oraı, qudyq sýyn tazartý jumystary júrgizilip, sýdyń quramy barlyq tıisti saraptamalardan ótip tıisti qujattar daıyndaldy. Qazaqstan Respýblıkasynyń Táýelsizdik kúnine oraı atalmysh qudyq qaıta iske qosylyp, zııarat etýshiler tarıhı qudyqtan shólin sý ishetin bolady», - dedi qoryq-mýzeı dırektory Nurbolat Ahmetjanov.
Qudyq aınalasy dóńgelene kirpishten qalanǵan, dıametri-80 sm. Buryn sý 7-8 metr tereńdikten shyǵatyn bolsa, al qazir jer asty sýlarynyń kóterilýine baılanysty sý 5-6 metr tereńdikten alynady.
