«Áziret Sultan» meshitiniń birinshi naıb ımamy taǵaıyndaldy

ASTANA. 8 qarasha. QazAqparat - Qazaqstan musylmandar dinı basqarmasynyń tóraǵasy, Bas múftı Erjan qajy Malǵajyulynyń buıryǵymen «Áziret Sultan» meshitiniń birinshi naıb ımamy taǵaıyndaldy.

Meshittiń bas ımamy Serikbaı Orazdyń usynysymen naıb ımam Mınýarov Qýat Erǵalıuly osy qyzmetke laıyq dep tanylyp, resmı túrde bekitildi.

Mınýarov Qýat Erǵalıuly «Áziret Sultan» meshiti jamaǵatyna burynnan tanys. Kisilik kelbetine kórkem minezi jarasqan azamattyń osy ýaqytta deıingi atqarylǵan bar sharada qoltańbasy bar desek, qatelespeımiz. «Áziret Sultan» meshiti ashylǵaly naıb ımam qyzmetin atqarǵan Qýat ustazdan tálim alyp, dinı saýat ashqan shákirtter sany da búginde birshama. «Qashan kórseńiz de, meshit jumysynan moıny bir bosamaıtyn qajyrly jandy jańa qyzmetimen quttyqtaı otyryp, jumysyna tolaǵaı tabys tileımiz!», - dep jazady muslim.kz.