«Áziret Sultan» meshitiniń bas ımamyna «Aýdannyń qurmetti azamaty» ataǵy berildi
ASTANA. 25 jeltoqsan. QazAqparat - Saryaǵash aýdanyndaǵy mádenıet úıinde aýdannyń ekonomıkasy men rýhanı damýyna úles qosqan azamattardyń eńbekteri elenip, marapattaý is-sharasy bolyp ótti.
Dálirek aıtqanda, aýdandyq máslıhattyń sheshimimen birqatar azamattarǵa aýdannyń qurmetti azamaty ataǵy berildi. Sonyń ishinde elimizge tanymal, din qaıratkeri QMDB-nyń naıb múftıi Serikbaı qajy Oraz myrzaǵa «Saryaǵash aýdanynyń qurmetti azamaty» ataǵy berildi.
Ony saltanatty túrde aýdan ákimi Maqulbaev Ábdibaqyt myrza tabys etti, dep habarlady muslim.kz.
