«Áziret Sultan» meshitine jańa naıb ımam taǵaıyndaldy

ASTANA. 29 qarasha. QazAqparat - Keshe QMDB tóraǵasy, Bas múftı Erjan qajy Malǵajyulynyń buıryǵymen Erbol Abdýahıtuly Mámbetov «Áziret Sultan» meshitiniń naıb ımamy bolyp taǵaıyndaldy. Otyzdyń ortasyna aıaq basqan Erbol Abdýahıtuly osyǵan deıin «Sádýaqas qajy Ǵylmanı» meshitinde naıb ımamdyq qyzmetinde bolyp, din jolynda eńbek etip kelgen, dep habarlady muslim.kz.

1981 jyly Ózbekstanda dúnıe esigin ashqan ol orta bilimdi OQO, Qazyǵurt aýdany, Qyzylqııa aýyldyq mektebinen alyp shyǵady. Mektep bitirisimen mediresege oqýǵa túsken onyń din jolyndaǵy sapary Shymkent qalasyndaǵy HQAÝ-dyń «dintaný jáne arab tili» fakýltetinde jalǵasady. 2002 jyly atalmysh oqý ordasyn bitirip, dinı bilimin Almaty qalasyndaǵy «Taýgúl» pansıonatynda jalǵastyrdy.

2005-jyly Ystambul qalasyndaǵy «Osman qazy» Quran kýrsyn támamdaǵan ol elge kelgen soń Elordamyzdaǵy №4 gımnazııada arab tili muǵalimi bolyp qyzmet atqarady. Keıinnen Qosshy aýylyndaǵy Qabanbaı batyr meshitinde kómekshi molda qyzmetine kirisedi. Bilimi men biliktiligi arqasynda kózge túsken Erbol «Sádýaqas qajy Ǵylmanı» meshitine naıb ımamdyq qyzmetke joǵarylatylǵan.