«Áziret Sultan» meshitindegi aıt namazyna 15 myńnan astam jamaǵat jınaldy
ASTANA. 26 qazan. QazAqparat - «Áziret Sultan» meshitinde Qurban aıt namazy oqyldy.
Aıt namazyna kelgen halyq qadir túni men oraza aıt namazyna jınalǵan jamaǵattan da kóp boldy. Meshittiń ishinde ıne shanshar oryn qalmady. Іshine syımaǵan jurt syrtta turyp namaz oqydy.Namazǵa shamamen15 myńnan astam jamaǵat jınaldy, dep habarlaıdy Muslim.kz.
Aıt namazyna Qazaqstan musylmandary dinı basqarmasynyń bas múftıi Ábsattar qajy Derbisáli hazirettiń ózi qatysty. Haziret namaz bastalǵansha minberge shyǵyp, jurtqa Qurban aıttyń máni men hıkmetine, Ibrahım babamyzdan kele jatqan súnnettiń tarıhyna toqtalyp, ýaǵyz aıtty. Sheıh namazdyń sońynan keıin duǵa qylyp, bata berdi. Ol Alladan elimizge tynyshtyq, jurtymyzǵa amandyq tilep, memleketimizdi búlikten saqtaýdy surady. Ol sondaı-aq, jamaǵatty Qurban aıt merekesimen quttyqtap, meıram kúnderi jasaǵan ǵıbadattarymyzdyń qabyl bolýyn duǵa etti.
