«Áziret Sultan» meshitinde Qasıetti Qadir túnine daıyndyq qyzý júrip jatyr

Qadir túni myń aıdan artyq. Eseptesek, myń aı degenimiz 83 jyl 4 aılyq ýaqyt eken. Demek, Qadir túnindegi qulshylyǵymyz 83 jyldyq ǵıbadattyń saýabyna teń bolmaq. Endeshe, 83 jyl 4 aıdan qaıyrly osy túndi ǵıbratqa hám ǵıbadatqa toly ótkizýdi kózdegen meshit ujymy da qarbalas tirshilikte. Jańadan salynǵan sáýletti meshitte ótip otyrǵan bul múbárak túnniń qadirin qalyń jurtshylyqpen bólisý úshin «Astana» telearnasy da tikeleı efırde kórsetý jaǵyn uıymdastyrmaq. Endeshe, kógildir ekrannyń ár jaǵynda otyrǵan jamaǵat, Allanyń Paıǵambar Muhammed (s.a.ý.) úmbeti úshin ǵana syı etken bul túndi birge ótkizeıik!

«Áziret Sultan» meshitinde ótetin «Qadir túni» keshiniń baǵdarlamasy mynadaı:

• 1) Quptan men taraýıh namazy- 22:19-00:00;
• 2) Zııaly qaýym ókilderiniń quttyqtaý sózderi- 00:00-00:20;
• 3) Ýaǵyz - 00:20-00:45;
• 4) Erkin qulshylyq jasalady - 00:45-01:10;
• 5) Jamaǵatpen «tasbıh namazy» oqylady- 01:10-01:30;
• 6) Erkin qulshylyq jasalady - 01:30-01:45;
• 7) Zııaly qaýym ókilderiniń quttyqtaý sózderi - 01:45-02:10;
• 8) Ýaǵyz- 02:10-02:35;
• 9) Quran oqylady - 02:35-02:45;
• 10) Qorytyndy bata - 02:45-02:55.