«Áziret Sultan» meshiti jańa jobanyń tusaýyn kesti

Budan bylaı saıttyń «Kóńilashar» jáne «Radıo» bóliminen rýhanı tálim-tárbıelik máni zor «Bilgenge marjan» aýdıo jobasyn tyńdaýǵa bolady. Joba «Otbasy shattyǵy», «Aqıqat bastaýlary», «Duǵamyz - qorǵanymyz», «Dostyq», «Іlim-bilim qadiri», «Ýaıym - er qorǵany», «Alla Taǵalaǵa qul bolý», «Iman lázzaty», «Namaz - dinniń tiregi», «Kórshi aqysy» t.b. sekildi taqyryptardy qamtyǵan.

Aıat-hadıstermen, dinı ýaǵyzdarmen, ǵıbratty áńgimelermen, sahabalar tálimimen, ǵulamalar lebizimen, sondaı-aq qazaq dindarlarynyń qanatty sózderi jáne dinı jyr-termelerimen órilgen bul dúnıe halyqtyń rýhanı órisin keńeıtip, ultymyz ben dinimizdiń asyl qundylyqtaryn keńinen pash etedi degen senimdemiz.

Aýdıo Amanjan Eńsebaev, Qaırat Ádilgereı, Azamat Qanapııa, Muhammedáli Bolatuly sekildi elimizge tanymal dıktorlardyń daýsymen oqylǵan. Sondaı-aq, ár taqyryp qulaqqa jaǵymdy, júrekke jaıly áýendermen kómkerilgen.