«Áziret Sultan» meshiti jamaǵat úshin «suraq-jaýap» jáshigin ornatty

QMDB málimetine qaraǵanda, «suraq-jaýap» jáshigine kelip túsken suraqtarǵa bas ımamy Qaırat Joldybaıuly ár juma namazynan keıin jaýap beretin bolady.

«Búginde kez kelgenniń qoly ınternetke jete bermeıdi. Áıtpese, «Áziret Sultan» meshitine qarasty muslim.kz saıtynda arnaıy «suraq-jaýap» bólimi bar. Bul bólimge suraq qoıatyndardyń basym kópshiligi - ınternetti jaqsy meńgergen jastar. Sondyqtan da, biz ınternetten alshaq azamattarymyzǵa arnap osyndaı «suraq-jaýap» jáshigin qoıýdy uıǵardyq. Bul bastamamyz jamaǵatymyz úshin paıdaly bolady dep senemiz»,-deıdi «Áziret Sultan» meshitiniń bas ımamy Qaırat Joldybaıuly.