«Áziret Sultan» meshiti «Rabbyń úshin qurban shal!» aktsııasyn ótkizedi
ASTANA. 13 qazan. QazAqparat - Qasıetti Qurban aıt, qazan aıynyń 16-17 kúnderi «Áziret Sultan» meshiti «Rabbyń úshin qurban shal!» aktsııasyn ótkizedi. Meshit ujymy aktsııaǵa qatysýshy jamaǵattyń qurbandyqqa shalatyn mal etterin Astana qalasynda jáne elorda mańyndaǵy eldi mekenderde turatyn áleýmettik jaǵdaıy tómen muqtaj jandarǵa úlestiredi. Bul týraly Astanadaǵy «Áziret Sultan» meshitiniń baspasóz qyzmetinen habarlandy.
Aktsııa baǵdarlamasy boıynsha 16 qazan qurbandyq maldaryn shalynady. Budan bólek, aktsııaǵa qatysýshylarǵa «Áziret Sultan» meshiti atynan «Alǵys hat» tapsyrylyp, as beriledi.
Toqtala ketetin jaıt, shara «Astana-Qosshy» baǵytyndaǵy jol boıynda ornalasqan «Altyn taǵa» bazarynda ótedi. Al 17 qazan kúni qurbandyqqa soıylǵan mal etteri taratylady. Etterdi taratý baǵyttary: Aqmola oblysy, Tselınograd aýdany, Shalqar jáne Mánshúk aýyldary; Aqmola oblysy, Qorǵaljyn aýdany, Sabyndy aýyly jáne Sabyndy medresesi; Aqmola oblysy, Tselınograd aýdany, Tóńkeris aýyly; Aqmola oblysy, Tselınograd aýdany, Sofıevka jáne Prıvechnyı aýyldary; S.Seıfýllın atyndaǵy qazaq agrotehnıkalyq ýnıversıteti jataqhanasy; «Áziret Sultan» meshitine ótinish bildirgen Astana turǵyndary.
