«Áziret Sultan» meshiti oraza aıt merekesi qurmetine qaıyrymdylyq sharasyn uıymdastyrdy
ASTANA. QazAqparat - Astana qalasyndaǵy «Áziret Sultan» meshiti oraza aıt merekesi qurmetine qaıyrymdylyq sharasyn uıymdastyrdy, dep habarlady meshittiń baspasóz qyzmeti.
Kúlli musylman qaýymy saǵyna kútken qasıetti Ramazan aıynyń aıaqtalýyna da az qaldy. Endi erteńgi kúnnen bastap, musylman jamaǵaty Oraza aıt merekesián toılaýǵa kirisedi. Kedeı men baıdy teńestirip, kem-ketikti toltyratyn qasıetti merekege oraı búgin «Áziret Sultan» meshiti «Aıttyq bizden bolsyn!» atty qaıyrymdylyq sharasyn uıymdastyrdy.
Ramazan aıynda berilgen pitir sadaqasynyń esebinen atalmysh aktsııa aıasynda Astana qalasyndaǵy turmysy tómen 150-ge jýyq otbasyǵa kómek kórsetilip, aıttyq azyq-túlik qorjyny taratyldy. Aıttyq qorjyny bir otbasynyń bir aılyq kúnkórisine jeterlik azyq-túlik, balalarǵa arnalǵan táttilermen toltyrylǵan.
foto: mahalla1.ru
