«Áziret Sultan» meshiti 120 otbasyǵa qaıyrymdylyq kómek kórsetti (FOTO)
Qashanda qaıyrymdylyq sharalaryn kóptep uıymdastyryp, turmysy tómen otbasylarǵa qaraılasyp turatyn «Áziret Sultan» meshitiniń bul jolǵy aktsııasy 120 otbasyny qamtydy. Aktsııa barysynda Ramazan aıynda meshitimizge kómek surap kelgen kóp balaly otbasylarǵa, turmysy tómen januıalarǵa, múgedek jandar men asyraýshysynan aıyrylǵandarǵa qarjylaı kómek kórsetilip, azyq-túlik berildi.
Qasıetti ramazan tek qulshylyq aıy ǵana emes. Bul aıda Paıǵambarymyz (s.ǵ.s.) aýyz bekitip, oraza ustaýmen qatar, kóptep jaqsylyq jasaýdy, sadaqa berýdi, jurtqa kómektesýdi buıyrǵan. Osy arqyly qoǵamnyń barlyq músheleriniń bir-birimen birligi artyp, qasıetti ramazan aıynyń nyǵmetin seze túsýi tıis. Osylaı dep oı tolǵaǵan «Áziret Sultan» meshitiniń Bas ımamy Serikbaı qajy Oraz jınalǵandardy qasıetti ramazan aıymen quttyqtap, azyq-túlik salynǵan sómkeler men qarjylaı kómekti tabystady.