Áziret Sultan qoryq-mýzeıinde «Túrmede tamǵan kóz jasy» taqyrybynda dóńgelek ústel ótti

Ataýly is-shara «31 mamyr jalpy ulttyq kelisim jáne qýǵyn-súrgin qurbandaryn eske alý kúnine» oraı uıymdastyryldy. Dóńgelek ústel jumysyna qoryq-mýzeı dırektory J.Áýbákir, mádenıet qaıratkeri N.Nazarov, qalalyq bilim bóliminiń ádiskeri T.Begasylov, qýǵyn-súrgin náýbetiniń qurbany V.Shahımovtyń uldary Gııas jáne Abbas Shahakımovtar, N.Tórequlov mýzeıiniń meńgerýshisi D.Kerimbekova, Etnografııalyq mýzeıdiń qyzmetkerleri I.Omaralıev jáne B.Danııarov, qalalyq  Á.Temir atyndaǵy №3 mektebiniń oqytýshysy G.Shadıeva jáne H.Nýrıllaeva jáne mýzeı qyzmetkerleri qatysty.

Sharany murajaı qyzmetkeri Q.Musabaev uıymdastyryp júrgizip otyrdy. Alǵashqy sóz mýzeı dırektory J.Áýbákirge usynyldy, náýbetti jyldardyń qasireti jaıly oı qozǵap, ondaı kúnderdiń qaıta kelmeýin, táýelsiz memleketimizde tynyshtyq bereke, birliktiń arta berýin atap ótti.

Oıǵa oı, sózge sóz qosqan qýǵyn-súrgin náýbetiniń qurbany V.Shahımovtyń uldary da óz ákeleri jaıly estelik pikirlerin ortaǵa saldy. Dóńgelek ústel basyna jınalǵan qonaqtar ózderiniń tushymdy oı-pikirlerimen bólisti. Jıyn sońynda mýzeı dırektory dóńgelek ústelge kelgen qonaqtarǵa qatysqandyǵy jóninde sertıfıkat pen murajaıdyń baspa ónimderinen syı sııapattar tabystady.