«Áziret Sultan» qoryq-murajaıy «Sala kóshbasshysy» atandy
ASTANA. QazAqparat - «Áziret Sultan» memlekettik tarıhı-mádenı qoryq-murajaıy 2016 jyldyń qorytyndysy boıynsha Ulttyq bıznes-reıtıng baǵdarlamasynyń «Órleý qarqyny» nomınatsııasynda Qazaqstan mýzeıleri boıynsha «Sala kóshbasshysy» ataǵyna, «Altyn» reıtıngisine ıe bolyp, Halyqaralyq sertıfıkatpen jáne arnaıy «Altyn qyran» medalimen marapattaldy, dep habarlaıdy Mádenıet jáne sport mınıstrliginiń baspasóz qyzmeti.
Ulttyq bıznes-reıtıngi - Qazaqstan, Reseı, Belarýs, Ýkraına memleketter odaǵynyń negizindegi reıtıngileýdiń jyl saıynǵy jalpy memlekettik táýelsiz baǵdarlamasy. Bul baǵdarlamanyń eńbek marapattary ár sala kásiporyndary men mekemeleriniń qyzmetindegi joǵary kórsetkishteri men Qazaqstan memleketiniń damýyna qosqan úlesi úshin beriledi.
2016 jyly «Áziret Sultan» qoryq murajaıynda birqatar mańyzdy sharalar ótken bolatyn. «Qoja Ahmet ıAsaýı murasy men iliminiń zerttelý máseleleri» V halyqaralyq ǵylymı-tájirbıelik konferentsııa jáne 22-23 qyrkúıek aralyǵynda dástúrli «ıAsaýıtaný» halyqaralyq bilim baıqaýy bolyp ótti.
Ataýly bul mańyzdy is-sharalarǵa Anglııa, Túrkııa, Reseı, Ózbekstan, Qyrǵyzstan Tájikstan t.b. shetelderden jáne otandyq ıasaýıtanýshy ǵalymdar jáne respýblıkamyzdyń túkpir-túkpirinen oqýshylar qatysty. Budan bólek qoryq-murajaıda 30dan astam dóńgelek ústel otyrystary men kezdesýler uıymdastyryldy. Jyl boıyna murajaıymyzda jyljymaly jáne turaqty kórmeler ótkizildi. Kórmelerdiń sany - 62.
«Sala kóshbasshysy» Halyqaralyq sertıfıkaty «Áziret Sultan» memlekettik tarıhı-mádenı qoryq-murajaıynyń atqarǵan eńbegine berilgen joǵary baǵa jáne jańa jetistikterge yntalandyrý bolatyny anyq.
