Ázirbaıjannyń NATO-men aradaǵy yntymaqtastyq deńgeıine kóńili tolmaıdy
KÝ. 24 qarasha. QazAqparat /Berik Hamıdov/ - Ázirbaıjan men NATO arasyndaǵy yntymaqtastyqta toqyraý paıda boldy. Bul týraly búgin jýrnalısterge Ázirbaıjan syrtqy ister mınıstriniń orynbasary Araz Ázimov málim etti.
«Tar saıası, birjaqty ustanymdy ustanǵan NATO-nyń birneshe múshesi Soltústikatlantıkalyq alıans pen Ázirbaıjan arasynda qol qoıylǵan yntymaqtastyq jónindegi Jeke qyzmet josparynyń úshinshi satysyn bekitýdi keshiktirip otyr. Bul jaǵdaı bizdiń qol-aıaǵymyzdy baılap tastaǵandaı», - dedi A.Ázimov.
Eger jospar bekitilmese, yntymaqtastyqtyń jalǵasýy toqtap qalady. Bul másele birneshe aıǵa jalǵasyp keledi, sondyqtan Ázirbaıjan taraby buǵan alańdaýshylyq tanytýda, dep atap ótti mınıstrdiń orynbasary.
