Ázirbaıjannyń birinshi hanymy alda úlken merekeni kútip otyr
- Birinshiden Sizdi Naýryz merekesimen quttyqtaýǵa ruqsat etińiz. Naýryz aıy aıaqtalýǵa jaqyn qaldy jáne Bakýdegi "Eýrovıdenıe" baıqaýyna sanaýly ýaqyt qalyp otyr. Osy konkýrstyń jaqyndaýy siz úshin mereıli merekeni taǵatsyzdana kútýdi me álde aýyr qarbalas jumysty bildire me?
- Búginde biz barshamyz aıtýly jalpyeýropalyq mýzyka merekesin kútip otyrmyz. Mýzyka tili ultyna, dinı senimine qaramastan barlyǵyna túsinikti. Sondyqtan aldaǵy mamyrdyń jaıma-shýaq kúnderinde ártúrli elderdiń jáne túrli mýzykalyq stıldegi ókilderi bir sahnada turyp, ártúrli tilderde án aıtatyn bolady. Bul baıqaýdyń Ázirbaıjanda ótýi bizdiń dýettiń úzdik jeńisiniń nátıjesi, sondaı-aq osy ánshilerdiń jeńis jolyndaǵy daıyndyq sharalaryna atsalysqandardyń tabysy. Búginde bizdiń aldymyzda "Eýrovıdenıe-2012" sharasyn tıisti deńgeıde ótkizý maqsaty tur. Oǵan qatysatyndardyń kópshiligi jáne qonaqtar men kórermender úshin bul bizdiń elmen alǵash kezdesý bolady. Men aldaǵy konkýrs arqyly kóptegen adamdar Ázirbaıjandy jaqsy tanýǵa, ıaǵnı bizdiń eldiń bolmys-bitimin, tarıhyn jáne mádenıetin jaqyn bilýge jol ashatynyna senimdimin.
Bizdiń meımandar Bakýdyń ǵajaıyp tustaryn kórip, tarıhı jáne mádenı eskertkishterinde bolyp, qala kóshelerinde serýendeı otyryp, sáýlettik turǵyda Batys pen Shyǵysty baılanystyrǵan kórinisterin tamashalaı alady. Olar bizdiń halqymyzdyń qonaqjaılylyǵyn óz kózderimen kóretin bolady. Menińshe, qala meımandary kóne ári qarqyndy damyp kele jatqan Ázirbaıjan jaıynda ózindik oı-pikirin qalptastyrady dep úmittenemin.
Budan bólek, osyndaı aýqymdaǵy oqıǵaǵa daıyndq - eleýli jumystardy qajet etedi. Máselen, 2020 jyly Olımpıadalyq oıyndar qaıda ótetini qazirgi kezde sheshilip jatyr. Al "Eýrovıdenıe" baıqaýynyń ótetin orny aldaǵy konkýrstyń sońǵy sátterinde belgili boldy. Osy sharaǵa daıyndyqqa tek bir jyl ǵana ýaqyt beriledi. Osy ýaqyt ishinde kóptegen jaýapty jumystardy atqaryp úlgerý kerek. Sondyqtan da bul sharaǵa ázirlikti bizdiń ánshilerdiń jeńisinen keıingi birinshi kúnnen bastadyq.
Qazirgi kezde uıymdastyrý komıteti "Eýrovıdenıeni" daıyndaý boıynsha jumys tobymen tyǵyz baılanysta jumys istep jatyr. Búginde bul baǵyttaǵy sharalar aıaqtalýǵa jaqyndady. Shynymen de baıqaýdyń bastalýyna shamaly ǵana ýaqyt qalyp otyr.
- Mehrıban hanym, Eýrovıdenıege daıyndyq sapasyn Siz ózińiz qalaı baǵalap otyrsyz?
- "Eýrovıdenıege" daıyndyq deńgeıi men sapasyn baıqaý támámdalǵannan keıin ǵana baǵalaýǵa boldy. Ázirge menińshe, Eýropalyq habar taratý odaǵynyń ókilderi men sarapshylarynyń pikiri senimdi ári obektıvti bolady.
Olar jalpyeýropalyq án baıqaýyn ótkizýge bizdiń eldiń daıyndyq deńgeıin joǵary baǵalady. Shynymen de bul baǵytta aýqymdy shalar júzege asyryldy. Uıymdastyrý komıtetine engen vedomstvolar aldynda qala ınfraqurylymyn jańǵyrtýǵa, kommýnıkatsııalyq tehnologııalardy keńeıtýge, sondaı-aq meımandar men qatysýshylardy jaıly ornalastyrýǵa baılanysty naqty mindetter júkteldi. Osy oraıda astanadaǵy qonaqúılerde tıisti jumystar júrgizilip, budan bólek jańa meımanhanalar salynyp jatyr. Ázirbaıjan Prezıdenti Ilham Álıevtiń tapsyrmasy boıynsha baıqaýǵa qatysýshylar men qonaqtar úshin vıza alý úderisi jeńildetildi. ıAǵnı, bul baıqaýdy elimizde laıyqty túrde uıymdastyrýǵa barlyq múmkindikter iske asyrylýda.
- Mehrıban hanym, Siz "Eýrovıdenıe-2012" án baıqaýyn Bakýde ótkizý Ázirbaıjandy álemge tanytýdyń, sondaı-aq meımandarǵa bizdiń eldiń tarıhymen jáne búgingi jaǵdaıymen tanystyrýdyń taǵy bir joly ekenin atap óttińiz. Ázirbaıjan qonaqtar men baıqaýǵa qatysýshylardy qalaı qarsy alatyn bolady?
- Osy oraıda baıqaý ótetin oryn jaıynda tolyqqandy aıtyp bergim keledi. Ózderińiz biletindeı, Baký atalǵan shoýdy ótkizýge úsh nysandy usyndy. Olardyń biri Baku Crystal Hall ǵımaraty.
Aıta ketken jón, 2020 jylǵy Olımpıada oıyndaryn ótkizýde bizdiń memlekettiń ótimi aıasynda Baku Crystal Hall sporttyq arenalardyń tizimine engizilgen bolatyn. Bul keshen Ońtústik Kavkazdyń eń úlken sporttyq-kontserttik arenasy bolyp tabylady. Onyń sáýletin Shyǵys pen Batys arasyndaǵy kópirmen teńestirýge bolady. Jergilikti jáne sheteldik mamandardyń kúsh-jigeriniń arqasynda osy tamasha arenanyń qurylysy ýaqtyly aıaqtalady degen senimdemin.
Onyń janynda baıqaýdan habar taratýǵa kelgen jýrnalıster úshin baspasóz ortalyǵy jasaqtalady. Qala ishinde konkýrsty kórý úshin úlken teleekrandar ornalastyrylady. «Eýrovıdenıemen» qatar basqa da mádenı sharalar uıymdastyrylmaq. Baıqaýdyń qarsańynda Memlekettik tý alańyna deıin sozylatyn «Jańa býlvardyń» da qurylysy aıaqtalady.
- Mehrıban hanym, sońǵy kezde buqaralyq aqparat quraldarynda "Eýrovıdenıege" baılanysty turǵyn úılerdi súrip, buzý jaıynda jáne bul turǵyda osy úılerdiń turǵyndarynyń narazylyǵy jarııalanýda.
- Iá, men BAQ-taǵy osy materıaldarmen tanyspyn. Ókinishke qaraı, aldaǵy baıqaýǵa arnalǵan maqalalardyń keıbir avtorlary máseleniń mán-jaıyn tereń bilmeıtin sekildi. Birinshiden, atalǵan úılerdi súrip tastadyń "Eýrovıdenıege" daıyndyqpen esh baılanysy joq.
Búginde bizdiń Baký kórkeıip kele jatyr, ıaǵnı astanada jańa saıabaqtar men joldar salynyp, turǵyn úıler men keńselik keshenderdiń qurylysy júrip jatyr. Bul jumystar bizdiń dýet "Eýrovıdenıede" jeńiske jetkenge deıin bastalǵan edi jáne osy baıqaý elimizde aıaqtalǵannan keıin de jalǵasyn tabady. Sondyqtan da bul máseleniń "Eýrovıdenıege" esh qatysy joq.
Mamandardyń aıtýynsha, osyndaı aýqymdy qurylys jumystaryn júrgizý kezinde eski úılerdi, sondaı-aq yńǵaısyz, talaptarǵa saı kelmeıtin turǵyn úılerdi súrip tastaý sekildi qajettilikter týyndaıdy. Bundaı jumystar buǵan deıin de atqarylǵan jáne aldaǵy ýaqytta jańa qurylystar júretin barlyq jerlerde de júzege asyrylatyn bolady. Ázirbaıjanda barlyq sharalar zańnama aıasynda iske asyrylyp jatyr. Úıleri súriletin turǵyndarǵa ótemaqylar tólenip, jańa úıler tapsyrylatyn bolady. Sondyqtan da shý kóterý úshin keıbir máselelerdi "Eýrovıdenıemen» baılanystyrǵan kezde óte jaǵymsyz.
Bul turǵyda Eýropalyq habar taratý odaǵynyń ózi resmı túrde bedeldi sheteldik BAQ ókilderin "Eýrovıdenıe" baıqaýy jaıynda birjaqty ári ádiletsiz materıaldar taratpaý týraly eskertý jasady.
Osy oraıda bul úderiske saıası boıaý berýge tyrysatyndar kóńilińdi qaldyrady. Bireýler úshin estradalyq ánniń eýropalyq baıqaýy úlken meıram, al keıbireýler úshin saıası arandatý uıymdastyrýǵa sebep. Buǵan aldyn ala daıyn bolý kerek. Bizge jáne baıqaýǵa qatysatyn 40-tan astam el úshin bul merekeniń shyrqyn buzýǵa jol berilmeıdi dep senemin.
- Siz Bakýdegi "Eýrovıdenıe-2012" baıqaýynda 40-tan astam elden qatysýshy bolatynyn atap óttińiz. Olardyń keıbiri oryndaýshy men konkýrstyq kompozıtsııasyn anyqtap úlgerse, al keıbiri áli tıisti sheshim jasaǵan joq. Birneshe kún buryn basylymdarda "Eýrovıdenıe" Ázerbaıjan astanasynda ótetindikten, Armenııa baıqaýǵa qatysýdan bas tartqany jaıynda jarııalandy.
- Men úshin jáne basqa kóptegen adamdar úshin armıandyq taraptyń osyndaı sheshimi túsinbestik týdyrady. Eýropalyq habar taratý odaǵy jáne Ázirbaıjan bıligi birneshe márte baıqaýǵa qatysýshylar men qonaqtarǵa, onyń ishinde Armenııa tarapyna qaýipsizdik turǵysynda kepildik beretinin málimdegen bolatyn. Ázirbaıjanǵa halyqaralyq kezdesýler men konferentsııalarǵa, forýmdarǵa jáne sporttyq jarystarǵa Armenııadan resmı delegatsııalar birneshe ret kelgen edi. Osy sharalardyń barlyǵynda Ázirbaıjan bıligi bul eldiń delegatsııasy múshelerine qaýipsizdikti qamtamasyz etti. Bul turǵyda "Eýrovıdenıe" baıqaýyna Armenııadan keletin qatysýshylar men meımandarǵa tolyqqandy qaýipsizdik qamtamasyz etiletinine kúmánim joq.
Erevan bastapqyda konkýrsqa qatysýǵa ýáde berip, qaýipsizdik turǵysynda kepildik talap etken edi. Bizdiń tarapymyzdan kepildik aldy, biraq ta keıinnen "Eýrovıdenıege" qatyspaıtyndyqtaryn málim etti. Meniń paıymdaýymsha, bul baıqaýǵa qatysýshylar úshin qurmettemeýshilik. Sóz joq, Eýropalyq habar taratý odaǵyna múshe bolyp tabylatyn ár elde baıqaýǵa qatysýdan bas tartýyna baılanysty ózindik sebepteri bolýy múmkin.
- Sońǵy suraq, Siz Bakýdegi "Eýrovıdenıe" baıqaýynyń qatysýshylary men qonaqtaryna ne tiler edińiz?
- Barlyq qatysýshylarǵa sáttilik tileımin. Sonymen qatar kórermender kózaıymy bolýyna jáne kóbirek daýys jınaýlaryna tilektespin. Men qatysýshylar men meımandardy bizdiń astanaǵa qýana-qýana shaqyramyn. Mamyrdyń jaıma-shýaq kúnderinde "Eýrovıdenıege" kelgen barsha adamdarda Ázirbaıjan jaıynda este qalar tamasha sátter bolatynyna senimdimin. Men olardyń barlyǵyna «Bakýge qosh keldińizder!», dep shyn kóńilimmen shaqyrýymdy jetkizgim keledi.
- Áńgimeńizge rahmet!
