Ázirbaıjannyń bılik júrgizýshi partııasynyń jastar uıymy TMD aıasynda jańa qurylym qurýdy usynýda
BAKÝ. 14 qańtar. QazAqparat /Arnur Muhametkárim/ - «Trend» agenttiginiń habarlaýynsha, Ázirbaıjannyń bılik júrgizýshi «Enı Ázirbaıjan» partııasynyń jastar uıymy Táýelsiz Memleketter Dostastyǵynyń jastar uıymdarynyń jumysyn úılestiretin qurylym qurýdy usynýda.
«Enı Ázirbaıjan» partııasy jastar odaǵynyń halyqaralyq qatynastar bóliminń meńgerýshisi Ramın Mamedov partııalyq gazetke bergen suhbatynda osyndaı málimdeme jasady, dep habarlaıdy QazAqparat.
R.Mamedovtyń aıtýynsha, «Birtutas Reseı» partııasynyń «Jas gvardııa» jastar uıymynyń tórtinshi sezinde ázirbaıjan tarabynyń osynaý usynysyna basqa halyqaralyq uıymdar tarapynan qyzý qoldaý bildirilgen.
«Іri jastar uıymdarynyń ókilderi túrli sharalarda jıi kezdesip turady. Biraq, olardyń jumystaryn úılestiretin eshqandaı qurylym joq. Ondaı uıym qurylǵannan keıin ózara tájirıbe almasý, talqylaýlar uıymdastyrý múmkindikteri keńeıe túspek»,- dep málim etti R.Mamedov.
