Ázirbaıjannan qazaqstandyq qylmysker ekstradıtsııalandy

Bul týraly vedomstvonyń baspasóz qyzmetinen habarlady.

25 mamyrda Bas prokýratýranyń suratýy boıynsha Ázirbaıjannan eki tonaý faktisi boıynsha aıyp taǵylyp otyrǵan Qazaqstan Respýblıkasynyń azamaty Mahır Orýdjev ekstradıtsııalandy.

Bas prokýratýradan anyqtaǵandaı, M.Orýdjev pıǵylyn júzege asyrǵannan keıin 2005 jyly izin sýytqan, keıin oǵan halyqaralyq izdeý jarııalandy. 2008 jyly kúdiktiniń Ázirbaıjan Respýblıkasynyń aýmaǵynda júrgendigi anyqtalyp, Qazaqstannyń quzyrly organdary qylmystyq jaýapkershilikke tartý úshin ony qaıtarýdy surady. Biraq Orýdjev ol ýaqytta Ázirbaıjannyń túrmesinde basqa qylmys úshin jazasyn ótep jatqandyqtan, ekstradıtsııalaý máselesi 2010 jylǵa qaldyryldy.

«Qazirgi ýaqytta kúdikti tergeý abaqtysyna ornalastyryldy. Qylmystyq isti Ekibastuz qalasynyń ishki ister bólimi tergeýde», - delingen habarlamada.