Ázirbaıjandyq ánshi túrkitildes halyqtardyń ánuranyn jazady
BAKÝ. 7 jeltoqsan. QazAqparat /Berik Hamıdov/ - Tanymal ázirbaıjandyq ánshi Aslan Gýseınov túrkitildes halyqtarǵa arnalǵan jobany júzege asyrý úshin Orta Azııa elderine attanady.
Ánshi Aslan Gýseınov jýrnalısterge iri jobany júzege asyrý - túrkitildes halyqtardyń ánuranyn jazýdy kózdep otyrǵanyn málimdedi.
«Men Qazaqstan, Ózbekstan, Qyrǵyzstan jáne Túrikmenstanǵa ıdeıany júzege asyratyn mýzykanttardy tabý úshin attanyp jatyrmyn. Kompozıtsııa birneshe túrki tilinde oryndalady jáne onda ulttyq aspaptar: ázirbaıjandyq tar nemese kıamancha, qazaqtyń dombyrasy, qyrǵyzdyń temir qomyzy, túrikmendik sıtar, ózbektiń dıtary jáne t.b. aspaptardyń úni estiledi. Ázirbaıjan, Qazaqstan, Túrkııa, Ózbekstan, Túrikmenstan, Qyrǵyzstan, Altaı, Bashqortstan, Gagaýzııa, Hakasııa, ıAkýtııa, Tatarstan, Týva - bul túrkitildes aımaqtardyń barlyǵy TÚRKSOI-ǵa kiredi», - dep málimdedi ánshi. Aslan tek Ázirbaıjanmen emes, Qazaqstanmen de tyǵyz baılanysty.
Ol 1937 jyly Qazaqstanǵa jer aýdarylyp jiberilgen ázirbaıjandardyń otbasynan shyqqan. Ánshi retinde Aslan Gýseınov Qazaqstanmen qatar Orta Azııada da keńinen tanymal. «Stalındik repressııa jyldary bizdiń otbasymyzdy Qazaqstannyń Shymkent oblysyna jer aýdartyp jibergen, sodan keıin biz Jambyl oblysynyń Shý aýdanyndaǵy «Jańa jol» aýylyna kóship kettik. Sodan keıin dúnıege men keldim. Jasym 25-ke kelgende, Qyrǵyzstanǵa shyǵarmashylyq saparǵa attandym. Sol jerde qalyp, jumys isteı bastadym, al on jyldan keıin Ázirbaıjanǵa kóshtim. Bul jerde on jyldyń ishinde budan da úlken tanymaldyqqa ıe boldym», - dep qosty Aslan.
