Ázirbaıjandyq alaıaq Atyraýda ustaldy
ASTANA. 28 qyrkúıek. QazAqparat /Marlan Jıembaı/ - Ázirbaıjandyq alaıaq Atyraý áýejaıynda qolǵa tústi.
Bul týraly búgin jýrnalıstermen bolǵan brıfıngte Іshki ister mınıstrligi Memlekettik til jáne aqparat departamentiniń basshysy Nurdildá Oraz málim etti.
«Ótken aptada Qazaqstannyń Interpol ulttyq ortalyq bıýrosynyń suratýy boıynsha Aqtaý qalasynyń áýejaıynda 38 jastaǵy Ázirbaıjan Respýblıkasynyń azamaty Emmın Mamadov ustaldy. Oǵan Ázirbaıjan Respýblıkasynyń quqyq qorǵaý organdary jalǵan qujat paıdalanǵany jáne asa iri kólemde alaıaqtyq jasaǵany úshin ótken jyldyń naýryz aıynan bastap izdeý jarııalaǵan bolatyn», - dedi resmı ókil.
Onyń atap ótýinshe, qazirgi ýaqytta Ázirbaıjan tarapy ekstradıtsııalaý materıaldaryn daıyndaýda. Kúdiktini sol eldiń quqyq qorǵaý organdaryna tapsyrý amaldary qarastyrylyp jatyr.
