Ázirbaıjandaǵy eń iri elektr stansalarynyń birine jaı tústi
BAKÝ. 28 qyrkúıek. QazAqparat - Búgin Baký qalasynda jáne birqatar aımaqtarda elektr energııasyn berýde irkilister boldy.
Tótenshe jaǵdaılar jónindegi mınıstrliktiń memlekettik órt qaýipsizdigi qyzmeti ókilderiniń aıtýynsha, oǵan Ázirbaıjandaǵy basty elektr stansalarynyń birin naızaǵaı soǵýy sebep boldy.
Atap aıtqanda, qolaısyz kún raıynyń saldarynan 28 qyrkúıek kúni Mıngıachevırdegi «Ázirbaıjan» JES-nyń elektr úılestirý stansasyn naızaǵaı soqty. Sonyń saldarynan JES-tiń birneshe blogy isten shyqty. Bul Bakýde jáne birqatar aýdandarda elektr energııasyn berý irkilisterine soqtyrdy. Baký metropolıteniniń jumysy toqtatyldy.
Alaıda bul rette elektr energııasynyń problemalary Geıdar Álıev Halyqaralyq áýejaıyndaǵy jumystarǵa áser etpedi. Ushaqtardy ushyrylýy men qabyldanýy kestege sáıkes júzege asyryldy.
Oqıǵa saldarynan JES-da azdaǵan órt boldy, ol TJM kúshterimen sóndirildi. Qazirgi kezde JES qyzmetin qalpyna keltirý boıynsha jumystar júrgizilýde.
