Ázirbaıjanda jer silkinisinen 500-ge jýyq úı qırap qaldy
ASTANA. 17 mamyr. QazAqparat - Ázirbaıjannyń Zakatal aýdanynda mamyrdyń 7-si men 15-i aralyǵyndaǵy jer asty dúmpýinen 485 úı qıraǵan, taǵy 56 eldi mekende 6464 úı men 204 áleýmettik nysan apatty jaǵdaıda tur,
dep habarlaıdy BNews.kz Trend saıtyna silteme jasap.
Úıleri qıraǵan 6 949 otbasynyń 3 980-i ýaqytsha shatyrlarda turyp jatyr, al qalǵandary basqa jerlerge qonystandyrylǵan. 2 823 otbasyǵa azyq-túlik túrinde kómek berildi.
7 mamyr kúni Zakatal aýdanynda 7 baldyq joıqyn jer silkinisi bolǵanyn habarlaǵan edik. Budan keıingi úsh kún ishinde taǵy da segiz ret jer silkinisi tirkelgen. Zilzaladan qaza taýyp, jaralanǵandar týraly aqparat joq.
Mamyrdyń 15 kúni taǵy da atalǵan aýdanda úsh ret jer asty dúmpýi sezilgen.
