Ázirbaıjanda prezıdent saılaýynyń aldynda «tynyshtyq» ornady

BAKÝ. 8 qazan. QazAqparat - Búgin Ázirbaıjanda prezıdent saılaýy aldyndaǵy úgit-nasıhat sharalary aıaqtaldy.

2013 jylǵy Prezıdent saılaýy aıasyndaǵy úgit-nasıhat sharalary 16 qyrkúıek kúni bastalyp, 8 qazan saǵat 8:00-de toqtatyldy. Al saılaýdyń ózi 9 qazan kúni ótedi.

Prezıdent saılaýyna 10 úmitker qatysady. Olar: «Enı Ázirbaıjan» parııasynyń tóraǵasy, Ázirbaıjan Prezıdenti Ilham Álıev, «Úmit» partııasynyń tóraǵasy Igbal Agazade, Ázirbaıjan Demokratııalyq partııasynyń tóraǵasy Sardar Djalaloglý, depýtat Faradj Gýlıev, ózin-ózi usynǵan Mıllı Medjılısiniń (parlament) depýtaty Zahıd Orýdj, Ázirbaıjan biryńǵaı halyq fronty partııasynyń tóraǵasy, depýtat Gýdrat Gasangýlıev, «Ádilet» partııasynyń tóraǵasy, depýtat Іlııas Ysmaıylov, «Qazirgi zamanǵy Mýsavat » partııasynyń tóraǵasy Hafız Gadjıev, Ázirbaıjan Áleýmettik-demokratııalyq partııasynyń tóraǵasy Araz Alızade jáne ulttyq qaıta jańǵyrtý partııasynyń tóraǵasy, saılaýshylar toby usynǵan «Demokratııalyq kúshter ulttyq keńesinen» Djamıl Gasanly.