Ázirbaıjanda prezıdent saılaýy ótip jatyr
BAKÝ. 9 qazan. QazAqparat - Ázirbaıjanda prezıdent saılaýy bastaldy. Saılaý ýchaskelerinde daýys berý 11 saǵatqa sozylyp, jergilikti ýaqyt boıynsha 19:00-ge (máskeý ýaqytymen 18:00) deıin jalǵasady,
dep habarlaıdy ITAR-TASS.
Ortalyq saılaý komıssııasynyń málimetteri boıynsha, daýys berýge 5,1 mıllıonnan astam ázirbaıjandyq qatysýy múmkin. Ol úshin eldiń 125 okrýginde ashylǵan 5492 ýchaske jumys isteıdi. Sondaı-aq, eldiń sheteldegi dıplomatııalyq ókildikterinde de daýys berýge bolady.
Saılaý ýchaskelerinde daýys berýshilerge 10 úmitkerdiń tizimi jazylǵan bıýlleten beriledi. Ol tizimnen bir úmitkerdiń esimi belgilenýi kerek. Eger ondaı belgileý bolmasa nemese birnesheý bolsa, onda bıýlleten jaramsyz dep tanylady.
