Ázirbaıjanda parlamenttik saılaý qarsańyndaǵy úgit-nasıhat naýqany bastaldy

Ázirbaıjannyń Ortalyq saılaý komıssııasy búgin, qazannyń 14-inen 15-ine qaraǵan túni eldiń Mıllı medjlısine qarashanyń 7-sinde ótetin saılaýǵa qatysýshy partııalar men kandıdattarǵa úgit-nasıhat naýqanyn bastaýǵa ruqsat berdi.

Jergilikti zańnamaǵa sáıkes, nasıhat jumystary saılaý úderisine 24 saǵat qalǵanda aıaqtalýy kerek.

Ázirbaıjannyń Ortalyq saılaý komıssııasynyń baspasóz qyzmetinen habarlaǵandaı, keshe komıssııa «exit-poll» júrgizetin uıym retinde Táýelsiz zertteýler ortalyǵyn tirkedi. Ortalyq saılaý kúni daýys berip shyqqandardyń arasynda saýalnama júrgizý jumystaryna 1180 qyzmetkerdi tartýdy josparlap otyr.

Ortalyq saılaý komıssııasynyń tóraǵasy Mazahır Panahovtyń habarlaýynsha, búgingi tańda kandıdat retinde 695 adam tirkelgen.