Ázirbaıjanda Qurannyń kóne qoljazbalaryn saqtaıtyn ǵımarat salynbaq
ASTANA. 14 tamyz. QazAqparat - Ázirbaıjanda Qurannyń kóne qoljazbalaryn saqtaıtyn ǵımarat turǵyzylady. Bul jaıynda Qap taýy musylmandary basqarmasynyń jetekshisi Allahshúkir Pasha-zade habarlady, dep jazady .
Onyń aıtýynsha, Qap taýy musylmandarynyń basqarmasynda qasıetti kitaptyń 2 myńdaı kóne qoljazbasy saqtalǵan. El prezıdenti Ilham Álıev atalmysh jobaǵa qolushyn berip otyr. Kóne qoljazbalardyń arasynda HVІ-HVІІ ǵasyrlarǵa tıesili jádigerler de bar. Bir aıta keterligi, sırek kezdesetin, baǵa jetpes bul qazynany Qap taýy musylmandarynyń jetekshisi 40 jyl boıy saqtap kelgen.
«Qylyshynan qan tamyp turǵan Keńes Odaǵy kezinde adamdar qoljazbalardy ózinde saqtaýǵa qorqyp, qanshamasyn ózinen aýlaq tastaǵandar da boldy. Al men olardy jınap, dinı basqarmaǵa tabystadym. Halyqtyń murasy kelesi urpaqqa da jetýi kerek», - dedi Pasha-zade.
