Ázirbaıjanda qańtar oqıǵasynyń 20 jyldyǵy atalyp ótýde

dep habarlady QazAqparat.

1990 jylǵy qańtardyń 20-sy Ázerbaıjan Respýblıkasynyń tarıhynda el halqynyń táýelsizdik úshin kúresiniń erlik paraǵy retinde este qalǵan. Búgin - Ázirbaıjanda búkilhalyqtyq aza tutý - ámirshil-óktemshil júıe saldarynan qaza tapqandardy eske alý kúni.

Keńes Odaǵynyń birqatar elderdiń ishki isine aralasqanyn tarıh biledi: 1956 jyly keńes áskerleri - Majarstanǵa, 1968 jyly - Chehoslovakııaǵa, 1979 jyly Aýǵanstanǵa kirdi. Biraq 1990 jyldyń qańtarynda KSRO Konstıtýtsııasynyń talaptaryn, Ázirbaıjan KSR-nyń negizgi zańy men 1965 jylǵy «Azamattyq jáne saıası quqyqtar týraly» halyqaralyq paktini buza otyryp, keńes áskeri qalaǵa basyp kirdi jáne halyqty qyrdy. Osy aktiniń saldarynan Baký men respýblıka aýdandarynda 133 adam óltirildi, 744 adam jaralandy, 841 adam zańsyz tutqyndalyp, 5 adam iz-tússiz joǵalyp ketti. Áskerıler 200 úı men páterdi, 80 kólikti órtep jiberdi, 6 mıllıon rýbldiń memlekettik múligi men jeke menshik múligi joıyldy. Óltirilgenderdiń arasynda áıelder, balalar men qarttar, jádel járdem jáne mılıtsııa qyzmetkerleri de bolǵan. Bul kúni ázirbaıjandyqtar táýelsizdik úshin kúreste sheıit bolǵan týǵan-týystary men jaqyndaryn eske alyp, aza tutady.