Ázirbaıjanda álemdegi eń úlken «pahlava» táttisin pisirdi
BAKÝ. 20 naýryz. QazAqparat - Ulystyń uly kúnin toılaýda Ázirbaıjan halqy da qalysar emes.
Jýannyń jińishkerip, jińishkeniń úziler shaǵynda qytymyr qystyń qahary qaıtyp, eldi erekshe kóńil-kúıge bóleıtin Naýryz merekesi ázirbaıjandyqtardyń Sýmgaıyt qalasynda atalyp ótýde. Qala kásipkerleri turǵyndar úshin uzyndyǵy 21, eni 5 metr salmaǵy 5 tonna 300 keli «pahlava» táttisin pisirdi.
Búgingi kúni qalanyń myńdaǵan turǵyndary basty alańǵa jınaldy. Bul jerde álemdegi eń úlken pahlavanyń saltanatty «tusaý keseri» boldy.
