Ázirbaıjanda 14,5 myń baıqaýshy tirkeldi - saılaý qarsańy
BAKÝ. Qazannyń 21-i. QazAqparat /Arnur Muhametkárim/ - Ázirbaıjanda ótetin parlamenttik saılaýdyń barysyn baqylaý úshin 14 500 adam baıqaýshy retinde tirkelip otyr. Bul týraly beısenbi kúni Ázirbaıjan Respýblıkasy Ortalyq saılaý komıssııasynyń tóraǵasy Mazahır Panahov málim etti.
«Okrýgtik saılaý komıssııalarynda saılaýdyń barysyn baqylaýǵa nıet bildirgenderdiń sany 13 myńnan astamdy qurady, halyqaralyq baıqaýshylardyń sany - 452 adam. 1373 jergilikti baıqaýshy Ázirbaıjannyń Ortalyq saılaý komıssııasynda tirkeldi», - dep málim etti. M.Panahov komıssııanyń búgin ótken kezekten tys otyrysynda.
Qazaqstannyń Ázirbaıjandaǵy elshiliginiń aqparaty boıynsha, parlamenttik saılaýdyń barysyn baqylaýǵa Qazaqstannyń atynan túrli halyqaralyq uıymdar jelisi boınysha 40 shaqty adam qatysady.
Esterińizge sala keteıik, Mıllı Medjlıske ótetin saılaý qarashanyń 7-sine belgilengen.
