Ázirbaıjan úkimeti ata-analarǵa bolashaq balanyń jynysyn bilýge tyıym salmaqshy
ASTANA. Qarashanyń 24-i. QazAqparat - Ázirbaıjannyń parlamenti bolashaq balanyń jynysyn ata-analaryna habarlaýǵa dárigerlerge tyıym salatyn pysyqtalǵan zań jobasyn qaraýǵa kiristi,
dep habarlaıdy QazAqparat Day.Az saıtyna silteme jasap.
«Reprodýktıvti densaýlyq jáne otbasyn josparlaý týraly» jańa zań el turǵyndarynyń dástúr boıynsha qyz emes ul balaly bolǵandy qalaıtynyna baılanysty ázirlengen. Osynyń arqasynda selektıvti túsik tastatý tájirıbesi keń taralǵan, ol Ázirbaıjandy demografııalyq daǵdarysqa ákele jatyr.
Statıstıka boıynsha sońǵy 12 jyl ishinde týǵan sábılerdiń tek úshten birin ǵana qyz balalar quraıdy, al qalypty ara-qatynas 105 ul balaǵa 100 qyz baladan kelýi kerek dep sanalady. Mektepterde 1-6 synyptarda oqıtyn 16 er jynysty balaǵa tek 6 ǵana áıel jynysty oqýshylardan keledi.
