Ázirbaıjan prezıdentin saılaý datasy belgilendi

ASTANA. 3 tamyz. QazAqparat - Ázirbaıjanda prezıdenttik saılaý 2013 jyldyń 9 qazanynda ótedi. Bul jaıynda atalǵan eldiń ortalyq saılaý komıssııasy habarlady, dep jazady VVS.

OSK tóraǵasy Mazahır Panahovtyń sózine qaraǵanda, saılaý ýchaskeleri daýys berý kúni úzilissiz jumys isteıtin bolady.

Ýchaskelerdiń jumysy toqtaǵanymen, kezekte turyp daýys berýge úlgermegen azamattar úshin saılaýǵa qatysýǵa ruqsat etiledi eken.

Ázirbaıjannyń 5 mıllıonǵa jýyq azamaty daýys berý quqyǵyna ıe.

Bul eldiń qazirgi Prezıdenti Ilham Álıevke básekeles retinde ázirbaıjandyq oppozıtsııa memleket basshylyǵyna kandıdat etip belgili jazýshy jáne dramatýrg Rýstam Ibragımbekovti shyǵardy.