Ázirbaıjan Prezıdenti jyldyń eń jemqor adamy atandy

ASTANA. 5 qańtar. QazAqparat - Sybaılas jemqorlyq jáne uıymdasqan qylmysty zertteý ortalyǵy Ázirbaıjan Prezıdenti Ilham Álıevti jyldyń eń jemqor adamy atady, dep habarlady ROSBALT.

Málim bolǵandaı, «Jyl adamy» syılyǵy 2012 jyly qylmys jáne sybaılas jemqorlyq tarıhynda erekshe oryn alǵan adamǵa beriledi. Bul joly syılyqtyń ıegerin 60 jýrnalıst pen 15 BAQ tańdady. Aıta keteıik, olar Sybaılas jemqorlvq jáne uıymdasqan qylmysty zertteý ortalyǵynyń músheleri.

Atalmysh ortalyqtyń málimetterine qaraǵanda, bıyl Álıevtiń áýleti memlekettik kelisim-sharttar arqyly telekommýnıkatsııa, paıdaly qazbalar, qurylys jáne óndiris sııaqty salalarda qomaqty somada kiris kózin tapqan kóptegen faktileri málim bolǵan soń I. Álıev «osy júldege laıyq» dep tańdaldy.