Ázirbaıjan Olımpıada-2012 altyndaryn satyp aldy dep kúdiktenýde
ASTANA. 23 qyrkúıek. QazAqparat - Halyqaralyq olımpıadalyq komıtet (HOK) 2012 jyly Londonda ótetin Olımpıada oıyndarynda eki altyn úshin Ázirbaıjannan birneshe mıllıon dollar aldy dep kúdik týǵyzǵan Halyqaralyq áýesqoı boksshylar assotsıatsııasyna qatysty aıyptaýlarǵa baılanysty tergeý jumystaryn júrgizetin bolady, dep habarlaıdy Reuters.
Sport sheneýnikterin satyp alý jóninde málimetterge jýrnalıstik zertteý arqyly VVS reporterleri qol jetkizip otyr. VVS málimetterine sáıkes, ázirbaıjandyq ınvestor jarystary AIBA qamqorlyǵymen ótetin Dúnıejúzilik boks serııasyna (WSB) aqsha aýdarǵan, dep habarlaıdy Lenta.rý.
AIBA beıtanys Ázirbaıjan azamatynyń 9 mln. AQSh dollaryn aýdarý arqyly boks uıymyna qarjylyq qoldaý kórsetkenin moıyndap otyr. Alaıda aqsha 2012 jylǵy oıyndarda altyn alý maqsatymen aýdaryldy degen pikirdi jónsiz ári negizsiz dep sanaýda. Bir qyzyǵy, buǵan deıin WSB ókilderi aqshany shveıtsarııalyq kompanııa aýdardy dep aıtqan bolatyn.
