Ázirbaıjan Mámbetov shyǵarmashylyǵy bolashaq rejısserlerge úlken úlgi bola alady - fılosof Kúmisbala Maltabarova
ALMATY. 26 qarasha. QazAqparat - Ázirbaıjan Mámbetov shyǵarmashylyǵy bolashaq rejısserlerge úlken úlgi bola alady.
Ony fılofııa ǵylymdaynyń doktory Kúmisbala Maltabarova Almatyda ótken KSRO Halyq artısi, Memlekettik syılyqtyń ıegeri, Halyq qaharmany Ázirbaıjan Mámbetovtiń týǵanyna 80 jyl tolýyna baılanysty eske alý keshinde aıtty.
«Rejısser Mámbetov fennomeni» kitaby avtorynyń aıtýynsha, Ázirbaıjan Mámbetovtiń qoıylymdarynda mazmun men túr ylǵı da egiz úılesimde bolady. Bul sahnadaǵy beıne úshin úlken mándi dúnıe. Ol kisi sahnada beıne jasaýǵa umtylyp, oǵan qol jetkizdi. Oǵan akterlarǵa aıtqan «sender ról oınamańdar beıne jasańdar» degen sózi dálel bola aldy. «Jalpy beıne degen oıdyń keremet júıesi. Ony shyǵarý úshin rejısser avtonomdyq keshende syrttan tys kózqaraspen árbir beınege óziniń qoltańbasyn engizip otyrady. Sondyqtan onyń akterlarǵa osy turǵyda ashylýǵa qosqan úlesi zor boldy», - deıdi Kúmisbala Maltabarova.
Ǵalymnyń paıymdaýynsha, Ázirbaıjan Mámbetov shyǵarmashylyǵy bolashaq rejısserlerge úlken úlgi bola alady. Qandaı baǵytta jumys istemesin klassıkalyq ustanymdy usynyp, ony ádemi kórsete aldy.
