Ázirbaıjan Birikken Eýropa aýmaǵyna uzaq merzimge gaz jetkizip otyrý máselesi boıynsha Eýroodaqpen kelisti
BRıÝSSELЬ. 14 qańtar. QazAqparat /Dımash Syzdyqov/ - Ázirbaıjan Prezıdenti Ilham Álıev pen Eýropalyq komıssııa tóraǵasy Joze Manýel Barrozý beısenbi, 13 qańtar kúni Bakýde Eýropalyq Odaq aýmaǵyna Ázirbaıjan gazyn uzaq merzimge jetkizip otyrý jónindegi birlesken deklaratsııaǵa qol qoıdy, dep habarlaıdy Eýrokomıssııanyń baspasóz qyzmeti.
Eýrokomıssııanyń basshysy atap ótkendeı, «bul kelisim Eýropanyń Kaspıı basseınindegi gazǵa tikeleı shyǵýyn qamtamasyz etedi. Gaz jetkizýdiń osy jańa baǵdary eýropalyq tutynýshylar men kásiporyndardyń energetıkalyq qaýipsizdigin arttyrady».
Jetkiziletin gaz mólsheri men gaz jetkizýdiń qashan bastalatyndyǵy ázirshe habarlanbaǵanymen, bul kelisimge qol qoıý «Ońtústik gaz dálizin» qurý jáne Eýropaǵa energııa jetkizýshilerdi ártaraptandyrý jónindegi Eýropalyq odaq baǵdarlamasyn júzege asyrýda mańyzdy qadam bolyp tabylatyndyǵy aıtyldy.
