Ázirbaıjan áskerı bıýdjetin bir jarym esege kóbeıtedi
ASTANA. Qazannyń 25-i. QazAqparat - Ázirbaıjan Parlamenti áskerı shyǵyndardy 1,6 ese ulǵaıtýdy kózdeıtin 2011 jylǵa arnalǵan memlekettik bıýdjet jobasyn bekitti, dep habarlaıdy Reuters.
Belgilengen qujatqa sáıkes, Ázirbaıjan Qorǵanys mınıstrligi 2011 jyly 2,5 mıllıard manat (3,1 mıllıard dollar) alatyn bolady. 2010 jyly bul kórsetkish 1,6 mıllıard manatty kórsetken bolatyn.
Aıta ketý kerek, buǵan deıin Ázirbaıjan munshama iri kólemde qorǵanys bıýdjetin ulǵaıtýdy josparlaǵan joq. 2010 jylǵy qazannyń 6-synda eldiń áskerı bıýdjeti 2011 jyly on paıyzǵa ósip, 1,325 mıllıard manatqa jetedi delingen edi. Atalǵan somanyń 1,237 mıllıardy qarýly kúshterdi ustap turýǵa jumsalady, al qalǵan qarajat - ulttyq qaýipsizdik pen ǵylymı-konstrýktorlyq jumystardy jandandyrýǵa ketedi dep josparlaǵan bolatyn.
