Ázimova: Ýaqytsha ustaý ızolıatory men arnaıy jaılardan 302 azamat bosatyldy

NUR-SULTAN. QazAqparat – Ýaqytsha ustaý ızolıatory men arnaıy jaılardan 302 azamat bosatyldy. Bul týraly Májilistiń jalpy otyrysynda Qazaqstandaǵy Adam quqyqtary jónindegi ýákil Elvıra Ázimova aıtty, dep habarlaıdy QazAqparat tilshisi.

«Bizdiń ótinishterimizdi, týystary men advokattardyń ótinishterin eskere otyryp, prokýrorlyq tekseris nátıjesinde ýaqytsha ustaý ızolıatory men arnaıy jaılardan 302 azamat bosatyldy. 11 azamatty qamaýǵa alýdan bas tartyldy. Buryn qamaýǵa alynǵan 200 azamatqa bultartpaý sharasy ózgertildi. Aýyr qylmys jasady dep aıyptalǵan kámeletke tolmaǵan 29 balanyń 28-i ata-analarynyń kepildigimen bosatyldy. Ókinishke qaraı, qoldanystaǵy «Tótenshe jaǵdaı týraly» Zańda aqparattyq jáne áleýmettik qyzmet jumysynyń naqty stsenarııi qarastyrylmaǵan», - dedi ol qańtar oqıǵalaryna qatysty máseleler kóterilgen otyrysta.

Onyń atap ótýinshe, qańtar aıyndaǵy oqıǵalarǵa baılanysty azamattardan ustalǵan týystarynyń ustalý ornyn anyqtap berý týraly ótinishteri de kelip túsken.