Azyq-túliktiń baǵa ındeksi bir aptanyń ishinde 0,1% tómendedi
ASTANA. KAZINFORM – Áleýmettik mańyzy bar azyq-túlik taýarlarynyń baǵa ındeksi bir aptanyń ishinde 0,1%, al jyldyq mánde 0,8% tómendedi. Bul týraly Ulttyq statıstıka bıýrosynyń baspasóz qyzmeti málim etti.
QR boıynsha áleýmettik mańyzy bar keıbir taýarlardyń ortasha baǵasy tómendegideı baǵada.
2024 jylǵy 4 maýsymdaǵy kórsetkish boıynsha:
Tuz – 66 tg/kg
Sábiz – 195 tg/kg
Qumsheker – 421 tg/kg
Áleýmettik mańyzy bar azyq-túlik taýarlarynyń tizbesine 19 ataý kiredi.
Baǵa ózgerisi týraly kórsetkishter apta saıyn jańaryp otyrady. Baǵanyń ózgerýi týraly aqparat barlyq oblys ortalyǵynan, respýblıkalyq mańyzy bar qalalardan jáne astanadan jınalady. Ol úshin eldimekenniń ártúrli bólikterinde ornalasqan taýarlardyń keń assortımenti bar ártúrli tıptegi saýda obektileri (gıpermarketter, sýpermarketter, dúkender, kommýnaldyq bazarlar, áleýmettik dúkender men pavılondar) tańdalady.
